4

തൃ​ശൂ​ർ: ജീ​വ​ൻ വെ​ടി​യാ​ൻ തു​നി​ഞ്ഞ സ്ത്രീ​ക്കു ര​ക്ഷ​ക​രാ​യി പോ​ലീ​സി​ന്‍റെ മി​ന്ന​ൽ​വേ​ഗ​ത്തി​ലു​ള്ള ഇ​ട​പെ​ട​ൽ. തൃ​ശൂ​ർ വ​നി​താ പോ​ലീ​സ് സ്റ്റേ​ഷ​നി​ലെ എ​എ​സ്ഐ അ​പ​ർ​ണ​യു​ടെ ജാ​ഗ്ര​ത​യും വി​യ്യൂ​ർ പോ​ലീ​സി​ന്‍റെ സ​മ​യോ​ചി​ത​മാ​യ നീ​ക്ക​വു​മാ​ണ് മ​ര​ണ​മു​ഖ​ത്തു​നി​ന്നു സ്ത്രീ​യെ ജീ​വി​ത​ത്തി​ലേ​ക്കു തി​രി​ച്ചു​കൊ​ണ്ടു​വ​ന്ന​ത്.

വി​യ്യൂ​ർ പോ​ലീ​സ് സ്റ്റേ​ഷ​ൻ പ​രി​ധി​യി​ലെ ക്വാ​ർ​ട്ടേ​ഴ്സി​ൽ ഭ​ർ​ത്താ​വു​മാ​യി താ​മ​സി​ക്കു​ന്ന സ്ത്രീ ​നേ​ര​ത്തേ​ത​ന്നെ ത​ന്‍റെ മാ​ന​സി​ക​പ്ര​യാ​സ​ങ്ങ​ൾ വ​നി​താ സ്റ്റേ​ഷ​നി​ലെ എ​എ​സ്ഐ അ​പ​ർ​ണ​യെ അ​റി​യി​ച്ചി​രു​ന്നു.

ഉ​ദ്യോ​ഗ​സ്ഥ ന​ൽ​കി​യ ആ​ത്മ​വി​ശ്വാ​സ​ത്തി​ൽ മു​ന്നോ​ട്ടു​പോ​ക​വെ​യാ​ണ് ഇ​ന്ന​ലെ ഉ​ച്ച​യോ​ടെ അ​പ്ര​തീ​ക്ഷി​ത​മാ​യി അ​പ​ർ​ണ​യു​ടെ ഫോ​ണി​ലേ​ക്കു സ്ത്രീ​യു​ടെ വീ​ഡി​യോ കോ​ൾ വ​രു​ന്ന​ത്. വീ​ഡി​യോ​യി​ൽ അ​വ​ർ ജീ​വ​നൊ​ ടു​ക്കാ​ൻ ശ്ര​മി​ക്കു​ന്ന​തു​ക​ണ്ട അ​പ​ർ​ണ ഉ​ട​ൻ​ത​ന്നെ വി​യ്യൂ​ർ സ്റ്റേ​ഷ​നി​ലെ എ​എ​സ്ഐ സ​ജീ​വ​നെ വി​വ​രം അ​റി​യി​ച്ചു.

വി​വ​ര​മ​റി​ഞ്ഞ വി​യ്യൂ​ർ എ​സ്എ​ച്ച്ഒ നി​മി​ഷ് ത്രി​പാ​ഠി, ഇ​ൻ​സ്പെ​ക്ട​ർ മ​ഹേ​ഷ് കു​മാ​ർ എ​ന്നി​വ​രു​ടെ നി​ർ​ദേ​ശ​പ്ര​കാ​രം എ​എ​സ് ഐ സ​ജീ​വ​നും സി​വി​ൽ പോ​ലീ​സ് ഓ​ഫീ​സ​ർ മ​നോ​ജും വെ​റും ഒ​രു​മി​നി​റ്റി​നു​ള്ളി​ൽ ക്വാ​ർ​ട്ടേ​ഴ്സി​ലെ​ത്തി.

സാ​രി​യി​ൽ കെ​ട്ടി​ത്തൂ​ങ്ങി​യ സ്ത്രീ​യെ ഇ​തി​ന​കം ഭ​ർ​ത്താ​വ് സാ​രി​മു​റി​ച്ച് ര​ക്ഷി​ച്ചു നി​ല​ത്തു​കി​ട​ത്തി​യി​രു​ന്നു. മ​ര​ണ​വെ​പ്രാ​ള​ത്തി​ൽ പി​ട​യു​ന്ന സ്ത്രീ​യെ ഉ​ട​ൻ​ത​ന്നെ ഭ​ർ​ത്താ​വി​നൊ​പ്പം അ​ടു​ത്തു​ള്ള സ്വ​കാ​ര്യ ആ​ശു​പ​ത്രി​യി​ലേ​ക്കു പോ​ലീ​സ് വാ​ഹ​ന​ത്തി​ൽ എ​ത്തി​ച്ചു.

കൃ​ത്യ​സ​മ​യ​ത്തു ചി​കി​ത്സ ന​ൽ​കാ​നാ​യ​തി​നാ​ൽ സ്ത്രീ ​അ​പ​ക​ട​നി​ല ത​ര​ണം​ചെ​യ്ത​താ​യി ഡോ​ക്ട​ർ​മാ​ർ അ​റി​യി​ച്ചു. എ​എ​സ്ഐ അ​പ​ർ​ണ ആ​ശു​പ​ത്രി​യി​ലെ​ത്തി സ്ത്രീ​ക്ക് ആ​വ​ശ്യ​മാ​യ പി​ന്തു​ണ​യും കൗ​ൺ​സ​ലിം​ഗും ഉ​റ​പ്പാ​ക്കി.

മാ​ന​സി​ക​ബു​ദ്ധി​മു​ട്ടു​ക​ൾ നേ​രി​ടു​ന്ന​വ​ർ​ക്കു സ​ഹാ​യ​ത്തി​നാ​യി തൃ​ശൂ​ർ സി​റ്റി വ​നി​താ പോ​ലീ​സ് സ്റ്റേ​ഷ​നു​മാ​യി ബ​ന്ധ​പ്പെ​ടാ​മെ​ന്നു പോ​ലീ​സ് അ​റി​യി​ച്ചു. ഫോ​ൺ: 04872420720.